好啦,總結下我個backpack summer trip啦
其實一直恨左呢種旅行既setting好耐:
自己搵既旅費,唔洗屋企人錢
一個大背襄
一部單反(不過我攝影技術真係有十幾億進步空間!)
冇旅行計劃,想去邊度就去邊度玩
冇時間限制

結果真係實現左,仲要所有住宿都由當地同學安排,真係好開心!

成都
我常懷疑,成都人24小時都處於饑餓狀態
當地同學話,如果你每日食一樣成都小食,你一年都食唔晒
呢個係我去到成都第一餐,可能用埋wideangle都影唔晒,好誇張

去到成都,更加唔可以唔食火鍋
除左我地平時既打邊爐,佢地仲有串串香,即係一串串咁打邊爐
串串香仲有分熱串串,冷串串,冷鍋串串.....
當然惟一既相同係,佢地都係勁辣既...

仲有以火鍋演變成既冒菜

除左食,成都人係其他方面都勁識享受
周圍都見到荼室,入面d人開晒台咁打牌
去左條文化小徑,叫寬窄巷子
兩旁全部都開滿係咖啡店同荼室,而夜晚就會變身為酒吧,聞說仲有民歌歌手獻唱,不過就冇機會聽lu

當然唔少得有中國風starbucks

夜晚去左另一個夜市,叫綿里
成條巷徑都佈滿燈籠,另我諗起中學時讀過的辛棄疾:

東風夜放花千樹,更吹落星如雨

寶馬雕車香滿路,鳳簫聲動,玉壺光轉,一夜魚龍舞

蛾兒雪柳黃金縷,笑語盈盈暗香去

眾裡尋他千百度,驀然回首,那人卻在,燈火欄柵處

哈哈,睇完夜景,當然唔少得繼續食野啦!
係裡面基本上你個口係冇得休息架!
成都基本上就差唔多,仲去左三星堆同埋金沙博物館,不過ok無聊下..
好可惜因為環境同人為因素,去唔成九寨溝同埋都江堰,仲有峨眉山等等等...
所以一定仲會去多次架!

重慶
坐幾個鐘頭火車到達重慶,因為一個local best fd唔係重慶既關係,所以冇逗留好耐
加埋要搵旅行社做三峽遊,基本上只係玩左一日唔夠
重慶菜同成都菜好似,都係以辣椒為主導,唔同既係,更加多辣椒,更加麻辣....

唔少得既,就係比成都火鍋更出名既重慶火鍋
佢地既分別其實好更單,成都火鍋多辣椒到個湯底係紅色既
而重慶火鍋多辣椒到個湯底係黑色既

see?為左本著"一場來到"既精神,我地唔叫鴛鴦湯底,結果?
我係第一次打邊爐食唔晒d肥牛,因為個咀已經辣到再放唔到野入去
有人話,去重慶食火鍋千其唔好著咁靚去,你會後悔

不過講到重慶最最最出名既,莫過於係重慶美女
論質論量都好過mk妹港女十萬幾倍
不過基於道德問題,我就冇照相咯,呵呵

之後去睇江邊夜景
之前睇相,d人影到個江景可以好似維多利亞港咁靚,不過去到就真係大為喜出望外
完全冇得比啊!
再行過d有個叫洪崖洞既景點
重慶又稱山城,大部份路都要上下坡既,而係市中心出現一個咁樣既流水洞,真係幾得意
不過人工味精都幾濃下


第二朝去左白公官同渲滓洞
一個充滿共產洗腦特色既地方,係紀念國共內戰被關進渲滓洞既共產黨戰俘"英雄"烈士
講到佢地比國民黨點折磨又寧死不屈好偉大咁
其實,呢個地方係解放後一樣成為共產黨用來折磨前國民黨成員既地方
所以話,歷史真係當權者寫既
見到有d細路睇到喊晒口咁,又一被洗腦的一代....
下午坐車上船開始三峽之旅

三峽
又一個預料之外既地方,d景係幾靚既,但唔係超級靚囉
可能係因為大壩起好令到峽谷落差細左
又可能污染問題令長江d水勁俗
又可能天氣極度炎熱使觀賞心情大減
種種原因就整到成個三峽之旅扣晒分

武漢
去到宜昌就落船直接坐coach去武漢
其實武漢都冇乜野玩,最主要都係食野



驚見富豪雪糕車

赤壁
由於個partner屋企係赤壁關係,最後終點站係去佢屋企

總結成個trip
好free好relax
玩到邊食到邊
去到每個地方都有同學接濟
爽!

2010 Backpack Summer Trip 預告:
夏門>福州>溫洲>杭州>上海>蘇州>南京
又要儲定錢啦!